Монгол Улсын Шадар сайдын Ажлын алба, Эдийн засаг, хөгжлийн яам болон Бүгд Найрамдах Солонгос Улсын Экспорт-импорт банк, Азийн хөгжлийн банк зэрэг талууд Буцалтгүй тусламжийн харилцан ойлголцлын Санамж бичиг байгууулсан билээ.
Уг Санамж бичгийн хүрээнд “Монголын чөлөөт бүсүүдийн үр ашигтай, тогтвортой үйл ажиллагааг дэмжих” төсөл хэрэгжүүлж байгаа бөгөөд төслийн хэрэгжүүлэгчээр шалгарсан Инчеоны Үндэсний Их Сургууль, Самүү С.М нэгдлийн зөвлөх баг, Эдийн засаг, хөгжлийн яам болон Цагааннуур чөлөөт бүсийн Захирагчийн ажлын алба, Азийн хөгжлийн банкны төслийн нэгж хамтран Цагааннуур чөлөөт бүсийн үйл ажиллагаа, бүтээн байгуулалттай биечлэн танилцаж ажиллалаа /2022.07.04-07/.
Цаашид хийж хэрэгжүүлэх ажлын талаарх мэдээллийг цуглуулах, тус чөлөөт бүсийн үйл ажиллагаанд олон улсын стратеги, бодлогын зөвлөмжийг тусгах, орчин техник технологийг нэвтрүүлэх, мэдээлэл технологийн системийг бий болгох, хөрөнгө оруулалт татах зэрэг боломжуудын талаар судалгаа хийж тайлан, дүгнэлт гаргахаар 2022 оны 07 дугаар сарын 04-07-ны өдрүүдэд Цагааннуур чөлөөт бүсэд ажиллалаа.
