Жил бүрийн тавдугаар сарын 15-ны өдрийг дэлхий нийтээр Олон улсын гэр бүлийн өдөр болгон тэмдэглэн өнгөрүүлдэг уламжлалтай. Энэ хүрээнд гэр бүлийн үнэ цэнийг ойлгуулах, хамт олны уур амьсгалыг эерэг болгох, байгууллагуудын уялдаа холбоог нэмэгдүүлэх зорилгоор 2025 оны тавдугаар сарын 13-ний өдөр “Гэр бүлийн үнэ цэнэ” өдөрлөгийг амжилттай зохион байгууллаа. Энэхүү арга хэмжээг Соёл, урлаг, аялал жуулчлал, залуучуудын газар, Цагааннуур чөлөөт бүс, Монгол Алтай хадны зургийн цогцолборын хамгаалалтын захиргаа гэсэн гурван байгууллага хамтран санаачилж, ажилчид болон тэдний гэр бүлийг хамарсан өргөн цар хүрээтэйгээр зохион байгуулав.
You May Also Like
